مــــــــــوت ســــــــــــــــاره

هذه قصــــــــــــــــــــيده جميله للشــــــــــــــــــــــــــاعر جابر بن هــــايف العـــــتيبي

اسمــــــحولي ان اكتب لكم هذه القصيده الرائعه:::

دخيلك قول اي حاجه بلا كل عام وانت بخير

انا من وين اشوف الخير وجرحي تشتعل ناره

بلا خير وبلا عيد وبلا فرحه وبلا تقدير

عليك الله ياعيد(ن) تعود وميته ساره

على وضعك ياعيد من الحناجر تتلق التكبير

وثوبك ياصباح العيد كل الناس تتختاره

وطفلا لملم اغراضه ونام بفرحته بكير

وقام من الفجر يلبس ويسأل وين ديناره

وطفله قامت تمشط شعرها من اخوها تغير

تبي تغيضه بشنطتها الجديده وعقد واسواره

وبنت حنت يديها ورسم للعيون يثير

وحطت كحل وحطت عطر وزاد العيدج بأزهاره

ورجلا يفتح ابوابه على عز وبلا تقصير

وصوت النجر وحمس البن وريح الهيل في داره

وجمر(ن) يحتضن صفر الدلال ويعشق التبخير

وهرج(ن) طيب وفله حجاج وظحك وبشاره

وفرحه ام تبكي من فرحها خانها التعبير

وحارت وش تبي تاخذ هديه عيد للجاره

وكل الناس تفرح في صباحك والامور تصير

وترسم السما سكل الفرح في مبسم الحاره

كذا وضعك ياصبح العيد ولكن في عيوني غير

تذكرني بموت وقبر ورمل وطين ومحظاره

تذكرني (ب)ساره ياصباح الجرح والتذكير

تذكرني بدم الفجر وموت الصبح وانواره

خذتها من سنيني يدينك بقسوة بلا تأخير

وماتت في كفوفك ياصباح الموت واخطاره

وهي كانت تجهز ثوب عيد وتعطره تعطير

ولكن الكفن عيا وشمس العيد غداره

عليك الله ياعيد(ن) ذبحت القلب والتفكير

وشلت بداخلي جرح(ن) ينوح وانت مزماره

ثلاث سنين وصبح العيد ثوبي مشقق(ن) وقصير

وكفى تملأ جيو بي برمل القبر و ترابه

ثلاث سنين اجي للقبر مره صبح ومرة عصير

واضمه وامسحه وابكي عليه وانشق غباره

ثلاث سنين وباقي العمر لا طيب ولاني بخير

مدام القبر ودود الارض عيد في جسد ساره

وســــــــــــــــلامتكم،،،،،،،،،ــــــــــــــــــــــــــمنـــــــا ــــــــــــحــــــــيــــ ـــــــــــــــــ